நீங்கள் தேடியது "வேட்பாளர் பட்டியல்"

டி.டி.வி.தினகரனின் அம்மா மக்கள் முன்னேற்ற கழகம் கடந்த 17-ந்தேதி 9 சட்டசபை இடைத்தேர்தல் தொகுதிக்கான வேட்பாளர் பட்டியலை வெளியிட்டிருந்தது.

இதில் 9 சட்டசபை தொகுதியிலும் தகுதி நீக்கம் செய்யப்பட்ட 9 பேருக்கும் மீண்டும் போட்டியிட வாய்ப்பு அளித்திருந்தார்.

இன்று டி.டி.வி.தினகரன் 2-ம் கட்ட வேட்பாளர் பட்டியலை வெளியிட்டார். இந்த பட்டியலில் 8 சட்டசபை தொகுதிக்கான வேட்பாளர்கள் பெயர் இடம் பெற்று உள்ளது. அதன் விவரம் வருமாறு:-

1. சோளிங்கர்- மணி (வேலூர் கிழக்கு மாவட்ட நெமிலி ஒன்றிய கழக செயலாளர்)

2. பாப்பிரெட்டிபட்டி- ராஜேந்திரன் (தர்மபுரி மாவட்ட கழக செயலாளர்)

3. நிலக்கோட்டை (தனி)- தங்கதுரை (திண்டுக்கல் கிழக்கு மாவட்ட கழக செயலாளர்)

4. திருவாரூர்- காமராஜ்(திருவாரூர் மாவட்ட கழக செயலாளர்)

5. தஞ்சாவூர்-ரெங்கசாமி (கழக பொருளாளர்)

6. ஆண்டிப்பட்டி - ஜெயக்குமார் (ஆண்டிப்பட்டி ஒன்றிய கழக செயலாளர்)

7. பெரியகுளம் (தனி)- கதிர்காமு (மருத்துவரணி தலைவர்)

8. விளாத்திகுளம்- டாக்டர் ஜோதிமணி (தூத்துக்குடி வடக்கு மாவட்ட சிறுபான் மையினர் நலப்பிரிவு செயலாளர்).

இந்த பட்டியலில் ஓசூர் சட்டமன்ற தொகுதிக்கான வேட்பாளர் பெயர் இன்னும் அறிவிக்கப்படவில்லை.

தகுதி நீக்கம் செய்யப்பட்ட எம்.எல்.ஏ.க்களில் தங்க தமிழ்ச்செல்வன், பார்த்திபன், பழனியப்பன் ஆகியோர் எம்.பி. பதவிக்கு போட்டியிடுகின்றனர். அவர்களுக்கு பதில் ஆண்டிப்பட்டி தொகுதிக்கு ஒன்றிய செயலாளர் ஜெயக்குமார், பாப்பிரெட்டி தொகுதிக்கு மாவட்ட செயலாளர் ராஜேந்திரன், சோளிங் கர் தொகுதிக்கு ஒன்றிய செயலாளர் மணி நிறுத்தப்பட்டுள்ளனர்.

விளாத்திகுளம் தொகுதியில் ஏற்கனவே எம்.எல்.ஏ.வாக இருந்த உமா மகேஸ்வரி போட்டியிட விரும்பாததால் புதிதாக டாக்டர் ஜோதிமணி நிறுத்தப்பட்டுள்ளார்.

தினகரன் அணியில் தகுதி நீக்கம் செய்யப்பட்ட 18 எம்.எல்.ஏ.க்களில் 17 பேருக்கு மீண்டும் போட்டியிட வாய்ப்பு கிடைத்துள்ளது.

தட்டாஞ்சாவடி- முருகசாமி (புதுச்சேரி மாநில கழக வர்த்தக அணி செயலாளர்).

புதுச்சேரி எம்.பி. தொகுதி வேட்பாளர் பெயர் இன்னும் அறிவிக்கப்படவில்லை. #LSPolls #TTVDhinakaran #AMMK

சென்னை:

டி.டி.வி.தினகரனின் அம்மா மக்கள் முன்னேற்றக் கழகம் பாராளுமன்றத் தேர்தலில் மிகப் பெரிய கூட்டணி பலம் எதுவுமின்றி எஸ்.டி.பி.ஐ. கட்சியுடன் மட்டும் சேர்ந்து போட்டியிடுகிறது.

எஸ்.டி.பி.ஐ. கட்சிக்கு மத்திய சென்னை பாராளுமன்ற தொகுதியை விட்டுக் கொடுத்துள்ள அ.ம.மு.க. மற்ற 39 தொகுதிகளிலும் தனித்துப் போட்டியிடுகிறது. அதுபோல 18 சட்டசபை தொகுதி இடைத்தேர்தலிலும் டி.டி.வி.தினகரன் கட்சி தனித்துப் போட்டியிடுகிறது.

தமிழ்நாடு, புதுச்சேரியில் 39 தொகுதிகளில் போட்டியிடும் அ.ம.மு.க.வின் முதல் வேட்பாளர் பட்டியலை கடந்த 17-ந்தேதி டி.டி.வி. தினகரன் வெளியிட்டார். அதில் 24 பாராளுமன்ற, 9 சட்டசபை இடைத்தேர்தல் தொகுதி வேட்பாளர்கள் அறிவிக்கப்பட்டிருந்தனர்.

9 சட்டசபை தொகுதியிலும் தகுதி நீக்கம் செய்யப்பட்ட 9 பேருக்கும் மீண்டும் போட்டியிட டி.டி.வி.தினகரன் வாய்ப்பு அளித்துள்ளார். இந்த நிலையில் இன்று (வெள்ளிக்கிழமை) டி.டி.வி. தினகரன் அ.ம.மு.க.வின் 2-ம் கட்ட வேட்பாளர் பட் டியலை வெளியிட்டார்.

இந்த 2-ம் கட்ட பட்டியலில் தமிழகத்தில் 14 பாராளுமன்ற தொகுதிக்கும், 8 சட்டசபை தொகுதிகளின் இடைத்தேர்தலுக்கும் வேட்பாளர்கள் பெயர் விவரம் வெளியிடப்பட்டுள்ளது.

1. வடசென்னை- சந்தான கிருஷ்ணன் (வடசென்னை தெற்கு மாவட்ட கழக செயலாளர்)

2. அரக்கோணம்- பார்த்திபன் (வேலூர் கிழக்கு மாவட்ட கழக செயலாளர்)

3. வேலூர்- பாண்டு ரங்கன் (முன்னாள் அமைச்சர்)

4. கிருஷ்ணகிரி- கணேசகுமார் (கிருஷ்ணகிரி மாவட்ட கழக செயலாளர்)

5. தர்மபுரி- பழனியப்பன் (முன்னாள் அமைச்சர்)

6. திருவண்ணாமலை- ஞானசேகர் (வேலூர் மேற்கு மாவட்ட புரட்சித்தலைவி அம்மா பேரவை செயலாளர்)

7. ஆரணி- செந்தமிழன் (முன்னாள் அமைச்சர்)

8. கள்ளக்குறிச்சி- கோமுகி மணியன் (விழுப்புரம் தெற்கு மாவட்ட கழக செயலாளர்)

9. திண்டுக்கல்-ஜோதி முருகன் (தாளாளர், சுரபி கல்வி நிறுவனங்கள்)

10. கடலூர்- கார்த்திக் (கழக பொறியாளர் அணி செயலாளர்)

11. தேனி-தங்க தமிழ்ச் செல்வன் (கழக கொள்கை பரப்புச் செயலாளர்)

12. விருதுநகர்-பரமசிவ ஐயப்பன் (கழக அம்மா பேரவை இணைச் செயலாளர்)

13. தூத்துக்குடி- டாக்டர் புவனேஸ்வரன் (தூத்துக்குடி தெற்கு மாவட்ட கழக இளைஞர் பாசறை செயலாளர்)

14. கன்னியாகுமரி- லெட்சுமணன் (புரட்சித்தலைவி அம்மா பேரவை துணைச் செயலாளர்).


தங்க தமிழ்ச்செல்வன் கடந்த 2016-ம் ஆண்டு சட்டசபை தேர்தலில் ஆண்டிப்பட்டி தொகுதியில் போட்டியிட்டு எம்.எல்.ஏ. ஆகி இருந்தார். டி.டி.வி. தினகரனை ஆதரித்ததால் தகுதி நீக்கம் செய்யப்பட்ட அவர் மீண்டும் ஆண்டிப்பட்டி சட்டசபை தொகுதி இடைத்தேர்தலில் களம் இறக்கப்படுவார் என்று எதிர்பார்ப்பட்டது.

ஆனால் தேனி எம்.பி. தொகுதிக்கு அவர் நிறுத்தப்பட்டுள்ளார். அவரை போல தகுதி நீக்கம் செய்யப்பட்ட மேலும் சிலரும் பாராளுமன்ற தொகுதிக்கு மாற்றப்பட்டுள்ளனர். இதனால் சட்டசபை இடைத்தேர்தலில் புதுமுகங்களுக்கு டி.டி.வி. தினகரன் வாய்ப்பு அளித்துள்ளார்.

இன்று அறிவிக்கப்பட்டுள்ள பட்டியல் மூலம் முன்னாள் அமைச்சர்கள் பாண்டுரங்கன், பழனியப்பன், செந்தமிழன் ஆகிய 3 முன்னாள் அமைச்சர்கள் பாராளுமன்ற தேர்தலை எதிர்கொள்ள நிறுத்தப்பட்டுள்ளனர். அதுபோல தகுதி நீக்கம் செய்யப்பட்டுள்ள எம்.எல்.ஏ.க்களில் தங்க தமிழ்ச்செல்வன், பார்த்திபன், பழனியப்பன் ஆகியோர் பாராளுமன்ற தேர்தலுக்கு கொண்டு செல்லப்பட்டுள்ளனர். அவர்களுக்கு பதில் ஆண்டிப்பட்டி, தர்மபுரி, சோளிங்கர் தொகுதிக்கு புதிய வேட்பாளர்கள் அறிமுகம் செய்யப்பட்டுள்ளனர். #LSPolls #TTVDhinakaran #AMMK

புதுடெல்லி:

பாராளுமன்ற தேர்தல் ஏப்ரல் 11-ந்தேதி தொடங்கி 7 கட்டங்களாக நடைபெறுகிறது.

மொத்தம் உள்ள 543 தொகுதிகளில் 11-ந்தேதி நடைபெறும் முதல் கட்ட தேர்தலில் 91 தொகுதிகளுக்கு வாக்குப்பதிவு நடைபெறுகிறது. இதில் ஆந்திரா, தெலுங்கானா ஆகிய மாநிலங்களுக்கு முதல் கட்டமாக தேர்தல் நடக்கிறது.

மகாராஷ்டிரா, உத்தரபிரதேசம், பீகார், மேற்கு வங்கம், ஒடிசா, அசாம் ஆகிய மாநிலங்களுக்கு முதல் கட்ட தேர்தல் நடைபெறுகிறது. இதில் போட்டியிடும் வேட்பாளர்கள் பட்டியல் தயாராகி வருகிறது.

இந்த தொகுதிகளில் போட்டியிடும் வேட்பாளர்கள் பட்டியலை ஒவ்வொரு கட்சியாக வெளியிட்டு வருகின்றன. பா.ஜனதாவின் வேட்பாளர்கள் பட்டியலும் வெளியாக உள்ளன.
பா.ஜனதாவின் தேர்தல் குழு கூட்டம் இன்று நடக்கிறது. இதில் பிரதமர் நரேந்திரமோடி, பா.ஜனதா தேசிய தலைவர் அமித்ஷா மற்றும் கட்சியின் மூத்த தலைவர்கள், நிர்வாகிகள் பங்கேற்கிறார்கள்.

இந்த கூட்டத்தில் பா.ஜனதாவின் முதலாவது வேட்பாளர்கள் பட்டியல் இறுதி செய்யப்படும் என்று தெரிகிறது. எதிர்க்கட்சி வேட்பாளர்களை தோற்கடிக்கும் வகையில் மோடி ஆலோசனையின்படி வேட்பாளர்கள் தேர்வு செய்யப்படுவார்கள் என்று எதிர்பார்க்கப்படுகிறது.

வேட்பாளர்களை தேர்வு செய்வதற்காக பொது மக்களிடம் கருத்துக்கள் கேட்கப்பட்டுள்ளன. தற்போதைய பா.ஜனதா எம்.பி.க்கள் மக்களுக்கு செய்த பணிகளும் கருத்தில் கொள்ளப்படுகின்றன. அதன் அடிப்படையில் பா.ஜனதாவின் முதல் வேட்பாளர்கள் பட்டியல் இன்று வெளியிடப்படும் என்று தகவல் வெளியாகி உள்ளது. இதில் பிரதமர் மோடி போட்டியிடும் தொகுதியும் இடம்பெறும் என்று எதிர்பார்க்கப்படுகிறது. #LSPolls #BJP #NarendraModi

கொல்கத்தா:

மேற்கு வங்காள மாநிலத்தை ஆளும் முதல்-மந்திரி மம்தா பானர்ஜியின் திரிணாமுல் காங்கிரஸ் கட்சி, நாடாளுமன்ற தேர்தலில் அங்குள்ள 42 தொகுதிகளிலும் தனித்தே போட்டியிடுகிறது. எந்தக் கட்சியுடனும் கைகோர்க்கவில்லை.

42 தொகுதிகளுக்கும் வேட்பாளர் பட்டியலை கட்சியின் தலைவர் மம்தா பானர்ஜி நேற்று வெளியிட்டார். அப்போது அவர் நிருபர்களிடம் கூறியதாவது:-

பாராளுமன்ற தேர்தலில் தற்போதைய எம்.பி.க்கள் 5 பேர் போட்டியிடவில்லை. ஹார்வர்டு பல்கலைக்கழகத்தில் பேராசிரியராக உள்ள ஜாதவ்பூர் எம்.பி. சுகதா போஸ் தேர்தலில் போட்டியிட அந்தப் பல்கலைக்கழகம் அனுமதி தரவில்லை. உடல்நலக்குறைவு காரணமாக சந்தியா ராயும், கட்சிப்பணியாற்றுவதற்காக மூத்த தலைவர்கள் சுப்ரதா பக்‌ஷியும், உமா சோரனும் தேர்தலில் நிற்கவில்லை.

இந்த தேர்தலில் எங்கள் கட்சி 40.5 சதவீதம் பெண் வேட்பாளர்களை நிறுத்துகிறது. கடந்த தேர்தலில் 35 சதவீதம் பெண் வேட்பாளர்களை நிறுத்தினோம். இது பெண்களுக்கு பெருமைமிக்க தருணம்.

இந்த தேர்தலில் சினிமா நட்சத்திரங்கள் நஸ்ரத் ஜஹான், மிமி சக்கரவர்த்தி போட்டியிடுகிறார்கள். தற்போதைய எம்.பி.க்கள் மூத்த நடிகை மூன்மூன் சென், நடிகர் தேவ் (தீபக் அதிகாரி) ஆகியோர் மீண்டும் போட்டியிடுகின்றனர்.

மூத்த நடிகை மூன்மூன் சென், மத்திய மந்திரி பாபுல் சுப்ரியோவுக்கு (பா.ஜனதா) எதிராக நிறுத்தப்பட்டுள்ளார். முன்னாள் ரெயில்வே மந்திரி தினேஷ் திரிவேதிக்கு மீண்டும் வாய்ப்பு தரப்பட்டுள்ளது.

நாங்கள் எந்தக்கட்சியுடனும் தேர்தலுக்கு முந்தைய கூட்டணி அமைக்கவில்லை. ஆனால் தேர்தலுக்கு பிந்தைய கூட்டணிக்காக கதவுகள் திறந்தே இருக்கின்றன.

ஜார்கண்ட் மாநிலத்தில் 5 தொகுதிகளிலும், அசாமில் 6 தொகுதிகளிலும், பீகாரில் 2 தொகுதிகளிலும், அந்தமானில் உள்ள ஒரு இடத்திலும் போட்டியிடுகிறோம்.

உத்தரபிரதேசம், மத்திய பிரதேசம், ராஜஸ்தான், பஞ்சாப் ஆகிய மாநிலங்களில் பிராந்தியக் கட்சிகளுக்கு ஆதரவு தருவோம்.

மின்னணு ஓட்டு எந்திரங்கள் மற்றும் ஒப்புகைச்சீட்டு எந்திரங்களில் மோசடிகள் நடைபெறாமல் தேர்தல் கமிஷன் பார்த்துக்கொள்ள வேண்டும்.

இவ்வாறு அவர் கூறினார்.

தனக்கு எதிராக நடிகை மூன் மூன் சென்னை மம்தா நிறுத்தி இருப்பது குறித்து மத்திய மந்திரி பாபுல் சுப்ரியோ டுவிட்டரில் கருத்து வெளியிட்டார்.

அதில் அவர் குறிப்பிடுகையில், “எப்போதுமே எனக்கு எதிராக மம்தா சென்-சேசனல் (பரபரப்பான) வேட்பாளர்களையே நிறுத்துகிறார். கடந்த தேர்தலில் தொழிற்சங்க தலைவர் தோலா சென்னை நிறுத்தினார். இந்த முறை நடிகை மூன்மூன் சென்னை நிறுத்தி உள்ளார்” என குறிப்பிட்டுள்ளார்.

புதுடெல்லி:

சத்தீஸ்கர் மாநிலத்தில் பாஜக தலைமையிலான ஆட்சி நடைபெற்று வருகிறது. முதல் மந்திரியாக ராமன் சிங் பதவி வகித்து வருகிறார்.

இதற்கிடையே, சத்தீஸ்கர் மாநிலத்தில் இரண்டு கட்டங்களாக சட்டமன்றத் தேர்தல் நடத்தப்படும் எனவும், மொத்தம் உள்ள 90 தொகுதிகளில் 18 தொகுதிகளில் நவம்பர் 12-ம் தேதியும், 72 தொகுகளில் 20-ம் தேதியும் வாக்குப்பதிவு நடத்தப்பட உள்ளது. டிசம்பர் 11ம் தேதி வாக்கு எண்ணிக்கை நடைபெற உள்ளது என தேர்தல் ஆணையம் அறிவித்துள்ளது.
தேர்தல் தேதி அறிவிக்கப்பட்டதையடுத்து அரசியல் கட்சிகள் தேர்தல் பணிகளை தீவிரப்படுத்தி உள்ளனர். மாநிலத்தில் ஆட்சியை தக்க வைக்க பாஜகவும், ஆட்சியை பிடிக்க காங்கிரசும் தீவிரமாக பணியாற்றி வருகின்றன.

இந்நிலையில், சத்தீஸ்கர் மாநிலத்தில் நடைபெறவுள்ள சட்டசபை தேர்தலில் போட்டியிடவுள்ள 17பேர் கொண்ட பட்டியலை காங்கிரஸ் கட்சி இன்று வெளியிட்டுள்ளது.

இதுதொடர்பாக, காங்கிரஸ் வெளியிட்டுள்ள அறிக்கையில், 17 பேர் கொண்ட வேட்பாளர் பட்டியலை இன்று வெளியிட்டுள்ளோம் என தெரிவித்துள்ளது.

சத்தீஸ்கர் மாநிலத்தில் நடைபெறவுள்ள சட்டசபை தேர்தலில் முதல் மந்திரி ராமன் சிங்கை எதிர்த்து வாஜ்பாய் உறவினரை காங்கிரஸ் கட்சி நிறுத்தியுள்ளது என்பது குறிப்பிடத்தக்கது. #ChhattisgarhElections #Congress

போபால்:

மத்தியப்பிரதேசம், ராஜஸ்தான், சத்தீஸ்கர் மற்றும் மிசோரம் மாநில சட்டசபை தேர்தல் இந்த ஆண்டு இறுதியில் நடைபெற உள்ளது. இந்த தேர்தலில் காங்கிரஸ் கட்சியுடன் கூட்டணி அமைத்து போட்டியிடப் போவதாக சமாஜ்வாதி கட்சியின் தலைவரும், உத்திரப்பிரதேச முன்னாள் முதல்வருமான அகிலேஸ் யாதவ் முன்னர் தெரிவித்திருந்தார்.


இதனால், அதிருப்தியடைந்துள்ள அகிலேஷ் யாதவ் காங்கிரஸ் கூட்டணிக்காக இனியும் காத்திருக்க முடியாது, 4 மாநில தேர்தலை மாயாவதியின் பகுஜன் சமாஜ் கட்சியுடன் இணைந்து சந்திக்க முடிவு செய்திருப்பதாக இன்று பரபப்பு பேட்டியளித்திருந்தார்.

இதன் அடுத்தகட்டமாக, மத்திய பிரதேச மாநிலத்தின் 6 தொகுதிகளுக்கான வேட்பாளர் பட்டியலை வெளியிட்டுள்ளார். சித்தி மாவட்டம் சித்தி 77 தொகுதியில் கே.கே. சிங் என்ற வேட்பாளர் நியமனம் செய்யப்பட்டுள்ளார். அதே போல், பரஸ்வடா மாவட்டம் பாலகட் 110 தொகுதியில் கன்கர் முன்ஜார் போட்டியிடுவதாகவும், பாலகட் 111 தொகுதியில் அனுபா முன்ஜார் என்பவரும், நிவாரி பகுதியின் டிகம்பர் 46 தொகுதியில் மீரா யாதவ்வும், பன்னா பகுதியின் பன்னா 60 தொகுதியில் தர்ஷத் சிங் யாதவ்வும், புத்னி பகுதி செஹோர் 156 தொகுதியில் அசோக் ஆரியா ஆகியோரை வேட்பாளர்களாக நியமித்து சமாஜ்வாதி கட்சி அறிவிப்பு வெளியிட்டுள்ளது. #SamajwadiParty #MadhyaPradeshPolls

ஐதராபாத்:

தெலுங்கானா மாநிலத்தில் ஆட்சிக்காலம் முடிவடைவதற்கு முன்பாகவே அம்மாநில முதல்மந்திரி சந்திரசேகர ராவ் அமைச்சரவையை கலைத்தார். இதன்மூலம் தெலுங்கானா மாநிலத்துக்கு சட்டமன்ற தேர்தல் நடைபெற உள்ளது. ராஜஸ்தான் உள்ளிட்ட 4 மாநிலங்களுடன் தெலுங்கானாவுக்கு தேர்தல் நடத்தப்படுமா? அல்லது தனித்து தேர்தல் நடைபெறுமா? என்பது குறித்து ஆலோசனை மேற்கொள்ளப்பட்டு வருகிறது.

இந்நிலையில், தெலுங்கானா மாநிலத்தில் உள்ள மஜ்லிஸ் இ இட்டேஹாத் அல் முஸ்லிமீன் (ஏ.ஐ.எம்.ஐ.எம்) கட்சி இன்று தனது முதல் வேட்பாளர் பட்டியலை வெளியிட்டுள்ளது. இக்கட்சியின் தலைவர் அசாடுதீன் ஒவைசியின் தம்பி அக்பருதீன் ஒவைசி உட்பட 7 வேட்பாளர்களை முதற்கட்டமாக மஜ்லீஸ் கட்சி அறிவித்துள்ளது. #TelanganaAssemblyPolls